لـــــــــــــيه؟؟!!!

غريبة يا دنيتنا غريبة
علينا تقسى وبطيبة
نجاحنا يتحول خيبة
ربنا منّك يحمينا!!

ليه؟؟!!

لمصالحنا كتبنا النص
باصّين على نفسينا وبس
محدّش بقى بأخوه بيحس
وندعى ربنا يدّيناّ!!

ليه؟؟!!

كل نظرنا بس لفوق
ده احسن منى..يبقى يدوق
غلّ وغيظ من دى فروق
ولوشمّتنا اعادينا!!

ليه؟!!

على نفسينا قفلنا الباب
ولبعضينا فتحنا حساب
كبير وصغير,شيب وشباب
ف المال ما بنعرف اهالينا!!

ليه؟؟!!

ولو فى مرة بصّينا
وساعدنا غيرنا وحنّينا
نقول عملنا وسوّينا
يا عينى عليهم ..وعلينا!!

ليه؟؟!!

فـ زعلنا نغنّى يا ليلى يا عين
ونشكى بدل الهّم اتنين
والفرح ندارى ونخاف م العين
ونخاف لنحسد بعضينا!!

ليه؟؟!!

بلدنا فى كتبنا حضارة
و اسأل ولادها ويا خسارة
هى عزومة بسجارة
ويقولوا انسى ونسّينا!!

ليه؟؟!!

اوّلها نحب لحد الموت
وبعديها ملل,سماع وسكوت
والكره فينا ليه جبروت
لكل حلو ينسينا!!

ليه؟؟!!

نفرح لمّا الناس تتجمّع
نطفّى النور والشمع يولّع
للعمر يقدّم مش بيرجّع
وللقبر يقرّب خطاوينا!!

ليه؟؟!!

نزعل لما نشوف الدم
وبعد دقايق ننسى الهم
اضحك كركر ايوة يا عم
كفاية علينا نفسينا!!

ليه؟؟!!

نشوف الموت,نخاف ونتوب
وندعى المولى ينّقى قلوب
وهمّ يومين بس يا دوب
ونرجع تانى لمعاصينا!!

ليه؟؟!!

ليه يا دنيا عليك بنلوم
ارادتنا راحت معانا فى النوم
صدّقنا خلاص بين ليلة ويوم
العيب ده فيك مش فينا!!!

ليه؟؟!!

لية

لان دي الدنيا ذي ما فيها الخير فيها الشر وذي ما فيها الحب فيها الكرة وذي ما فيها الكويس فيها الوحش ودي حكمة ربنا في خلقه.
بس انا من وجه نظري اننا لو ما شفناش الشر مش هانحس بقيمة الخير ولو ما شفناش الكرة مش هانحس اد ايه حب ربنا وحب الناس واخلاص النية جميل فلازم نبدا من نفسنا نصلح نفسنا والناس اللي حوالينا بنحبهم وخايفين عليهم ساعتها مش هانلاقي حد يقول انا مالي ساعتها هانحب الخير لبعض وربنا هايكرمنا لاننا هانكون ماشيين علي النهج الصحيح اللي ربنا قال عليه واللي وصانا بيه رسولنا الكريم " صل الله عليه وسلم" وهي حب لاخيك ما تحب لنفسك
اسفة علي الاطالة تقبلي مروري

جزاكي الله خيرا
سنلخص ما قلتيه في اياتين من ايات الله في سوره البقره
قال الله تعالي " فمن الناس من يقول ربنا ءاتنا في الدينا وما له في الاخرة من خلاق
ومنهم من يقول ربنا ءاتنا في الدنيا حسنة وفي الاخرة حسنة وقنا عذاب النار
اولئك لهم نصيب مما كسبوا والله سريع الحساب "
فهذه كما قالن استاذتنا المحبه للرحمن
ولكا منا جزيل الشكر
جزاكم الله خيرا
تقبلوا مروري

اة فعلا الحياة لو مفيهاش الحب او الكرة مكناش حسينا باى حاجة فيها
معاكى حق فكلامك محبة للرحمن
نورتى الصفحة بجد بمرورك الجميل دة

عابر سبيل فعلا الاية الكريمة بتعبر عن الحال فعلا
جزاك الله كل خير

ميرسى عمروركم اللى نور الصفحة

عن جد كلام جميييييل قوى قوى قوى

الاجمل مرورك اوى اوى اوى يا لارا
نووورتى

رغم الحزن
ورغم الالم
ورغم المرارة
التألق واضح بكلماتك
والتميز موجود بحروفك

تسلم ايديك

وايدك ع المرور والرد
نورت الصفحة