أسوأ ما في صلاة النساء في المسجد

طبعا كلنا متشوقين لقدوم رمضان

وننتظره بفروغ صبر

اللهم بلغنا رمضان

طبعا كلنا من أول ما بدأ رجب وشعبان

ونحن نعد ترسانة أسلحة من الطاعات نوجهها لأنفسنا الأمّارة

بالسوء وللشيطان

يارب ساعدنا

وطبعا فى كثير مننا ومن نساء المسلمين لا تدخل

للصلاة بانتظام فى المسجد إلا فى رمضان

وده طبعا مش حرام لأن الرسول () وجه لنا

حديث بأن صلاة المرأة فى بيتها أفضل

لكن إذا وجدت أن صلاتك فى المسجد أفضل لأنك تجدين فيها

الخشوع أكثر من منزلك فلكى أن تصلى فى المسجد

ولكن

انتبهى

إن أسوا صلاة شاهدتها وحضرت فيها هى صلاة النساء

متزعليش منّى

أكيد أنا لا أقصد كل النساء

لكنى أقسم بالله أنّى أرى العجب فى صلاتهن

أكيد بتسألى إزاى ؟

شوفى يا ستّى

هو ّ فيه أشياء كثيرة وما سأتذكره إن شاء الله سأكتبه

1-أشاهد بعض النساء يدخلن المسجد ولا يصلين تحية

المسجد يدخلوا وعلى طول يبدأ الكلام كأن المسجد تحوّل إلى

حديقة.

2-من أول الدخول فى المسجد وحتى إقامة الصلاة كلام كلام

كلام طيب فين الذكر فين الاستغفار فين الصلاة على النبى

إنتى ذاهبة للمسجد فى طاعة فكملى المشوار بدل الكلام

الذى لا يفيد اذكرى الله كل تعبك و وقفتك الطويلة فى الصلا ة

تضيع بلهو الكلام

3- بدأ الإمام فى الصلاة وقال إستووووووووووووووا

لكن على ما تقوم كل إمرأة من مكانها

وعلى ما تنهى الموضوع الذى تتحدث فيه

يكون الإمام أنهى الفاتحة وبدأ جزء من السورة التالية

وفيها إيه

أنا كدة كدة هالحقة قبل ما يخلّص

ما الصلاة طويلة

4-وخلّى بالك كل واحدة حاجزة مكانها تقدرى تيجى فيه على

ما تقوم وتتحرك تكونى دخلتىفى الصلاة مع الإمام وتيجى

هيه تحركك من مكانها أو تضيّق عليكى المكان

5- ويا سلام لو واحدة سمعت صوت تليفونها بيرن تقطع الصلاة

وترد وبعدين تيجى تكمل الصلاة طيب ما تقفلى التليفون حتى

تنتهى الصلاة أفضل

6- وتجدى من تحضر رضيعها وتتركة يموت من كثرة البكاء وتظل

فى الصلاة فبذلك تؤذى الإمام وكل المصلين بصوت البكاء

وتخرجهم من الخشوع فى الصلاة

8-وتجدى كل أخت تقف وتجعل مسافة بينها وبين من جوارها

بحجة إن الجو حر و سيبوا الشياطين تلعب فى النص براحتها

8-تجدى فى صلاة النساء كل أنواع الصفوف

الصف الكامل المستقيم

الصف الأعوج

الصفوف الناقصة

9- تجدى مجموعة من النساء جمعت بعض فى آخر المسجد

وأقمن صف لهن بعيدا عن الحر

10- والأعجب عندما تجدى أخت تحضر كرسى وتجلس فى

منتصف الصف بحجة إنها عاوزه تصلى فى الصف الأمامى

فتقطع مساواة الصف والله لا ينظر للصف الأعوج

11-و أول ما يسلّم الإمام يرفعوا شعار

لا استغفار لا ذكر

وهيا لإكمال الكلام

وتتحول ساحة المسجد إلى ساحة رياضية!!!!!!!!!

12- ناهيك طبعا عن أنواع الشراب والطعام التى تظهر وكأنه

شهر طعام لا صيام

13- وهناك بعض الملاحظات البسيطة

عدم لبس شراب فى القدم

والتعطر والتزيّن

ولبس حجاب قصير

ولبس الملابس الضيقة

نداء إلى كل من تقرأ هذه الأشياء وتجد ولو خصلة واحدة منها

فيها

فلتغيريها حتى تنالى الأجر الكامل إن شاء الله

تنبيه

إلزمى فى المسجد

الذكر

الاستغفار

قراء القرآن

وفى النهاية رددوا معى

( اللهم بلّغنا رمضان و سلّمنا لرمضان وسلّم رمضان لنا

وتسلّمه منّا متقبلا )

سبحانك اللهم وبحمدك أشهد أن لا إله إلا أنت أستغفرك وأتوب اليك

اللهم امين
والله كلام مظبوط فعلا انا باشوف من ده كتييييير قوى فى رمضان ومن يوم ماشوفت ده وانا بافضل الصلاه فى البيت للمراة بس فيه مساجد فيها نساء بتشجع بعض على كل خير ومكانش فيها الكلام ده

جزاكي الله كل خير سديم بارك الله فيكي وربنا يهدي الامة الاسلامية يارب

ورمضان مبارك وكل عام وانتي بخير

كل سنة وانتو طيبين ياااااارب
وربنا يتقبل اعمالنا ومنكنش زى اللى بيصلو فالمسجد ومش عارفين انهم فبيت الله
وواجب عليهم انهم يحترمو
بجد نورتو الصفحه بمروركو لارا محبة للرحمن
جزاكم الله كل خير عالرد

هذا قد تكونوا تعرفوه اكثر منى ولكن ليس على احد منع النساء من الذاهب للمسجد فى الصلاة
بدليل قول النبى لا تمنعوا امات الله مساجد الله

» افضل النساء واشر النساء
» عايز تحس أكنك ساكن جنب المسجد النبوي الشريف؟؟!! خش إقرأ وشوف...
» ماذا لو حكمت النساء العالم