عاشق المستحيل
مشرف قسم الشعر
عدد المساهمات : 893
السٌّمعَة : 100
تاريخ التسجيل : 15/03/2010
العمر : 32
 | | موضوع: هــــــــــي حكايـــــــــــــــه... الأحد ديسمبر 19, 2010 11:55 am | |
| هي لاقصه ولا حدوته ولا فزورة
ولا بنسود شكل الصـــــــــــــورة
هي حكايــــــــــــــــه
ناس عايزنا نعيش بنموت
ويفضل قطر العمر يفوت
وتيجي في لحظه وتكسر بابنـــــا
وتبدلنا وتغيرنا وتعذبنا وتدمرنــا
وتفرقنا عن احبابنا زي ما حاصل في فلسطين....
والمفروض علي قد حسابنا
اللي هيحمــي لارض شبابنا
اللي بأذن الله وبأمره وبقوتهم وبأصرارهم
بسم الله كان هو قرارهم والرد لكل اللي اتأمروا
6 اكتوبر ........رمضان في 73 ..........
واللي اتحدي النار والسور
ناس كان جــوه قلوبهم نور
لسه انا وانت بنفخر بيهم....ابني واخويا وابوك وابويا
ناس كان لسه بتطرح فيهم صرخه قلب صلاح الدين....
كل رسايل عيسي وموسي ومحمد للبني ادمين
بتحرم علي قلب المؤمن يظلم روحه يظلم نفسه
يخسر دنيا واخره وديــــــــــــــن.......
اللي حقيقي في قلبه ايمان
عمره مايبقي ضعيف وجبان
بينا شيطان اسمه الادمان
بيدمر في حياه ملايين....
كسر الحلم في قلب شباب
عيشهم في امل كداب
ايا كانت ايه الاسباب
ليه لو متنا نموت كافرين....
ربنا ما خلقناش نعصاه
لا في انجيل ولا في التوراه
هات قرءانك هات واقراه
وقوله يارب وقول يا معين....
بسم الله والايد في الايد
نبدأ من اول وجديد
حتي ان كان الحلم بعيد
لسه كتير احلام جايين....
بدل الموت بسلاح ملعون
يلا نقول هنكون ونكون
لو عايزين الصعب بيهون
لازم نتمسك بالدين....
اوعي تقولي ماليش احلام
اوعي اليأس والاستسلام
يلا سوا نبص لقدام
ونفكر في ولادنا الجايين....
مين هيفرح امه وابوه
غير اكتر انسان حبوه
لما انا وانت يا صاحبي نتوه
الناس دي هتسند علي مين....
يلا نعيش ونموت احرار
نجري ورا الحلم بأصرار
ادعي يارب نكون انصار
سيدنا النبي في العليين....
اختلفت لغه الانسان
واتفرقنا في كل مكان
واتفقت كل الاديان
اننا يوم لله راجعيين....
يلا نصلي علي طبيبنا
سيدنا النبي طه حبيبنا
قبل ما شيطانا ميغلبنا
هات المصحف نقرأ يس....
اوعي تقولي ماليش احلام
اوعي الياس والاستسلام
يلا سوا نبص لقدام
ونفكر في ولادنا الجايين....
كلنا ليك ماديين ايدنا
ومحتاجينلك تساعدنا
عايزين نصلي صلاه عيدنا
انا وانت في قدس فلسطيين....
مين هيفرح امه وابوه
غير اكتر انسان حبوه
لما انا وانت يا صاحبي نتوه
الناس دي هتسند علي ميين
الناس دي هتسند علي ميين.
| |
|
safa
المشرفة العامة
عدد المساهمات : 3413
البلد : 
السٌّمعَة : 105
الهواية : 
تاريخ التسجيل : 31/03/2010
العمر : 32
مزاجك اليوم : 
| | موضوع: رد: هــــــــــي حكايـــــــــــــــه... الجمعة ديسمبر 24, 2010 11:51 pm | |
| تحفة وجميلة جدا جدا جدا
بارك الله فيك وجزاك الله كل خير
عجبتني اوي
| |
|
عاشق المستحيل
مشرف قسم الشعر
عدد المساهمات : 893
السٌّمعَة : 100
تاريخ التسجيل : 15/03/2010
العمر : 32
| | موضوع: رد: هــــــــــي حكايـــــــــــــــه... الأحد ديسمبر 26, 2010 1:16 pm | |
| - اقتباس :
تحفة وجميلة جدا جدا جدا
بارك الله فيك وجزاك الله كل خير
عجبتني اوي
الحمدلله انها عجبتك وعقبال الباقي انشاء الله
بجد مشكورة لمروك وتعليقك الطيب
خالص تحياتـــــــــــــــــي
عاشق المستحيل | |
|
