عاشق المستحيل مشرف قسم الشعر
عدد المساهمات : 893 السٌّمعَة : 100 تاريخ التسجيل : 15/03/2010 العمر : 32
| موضوع: طول الوقت... الإثنين يناير 03, 2011 1:43 pm | |
| طول الوقت .. وانت بتخدع وانا مش فاهم . . . سايب روحي وعايش واهم بتعيشني في دنيا جميله . . . بتسهرني ليالي طويله كل يومين توعدني بوعد . . . وبتحلفلي ان احنا لبعض كل ما نبعد ترجع تاني . . . وتأكدلي ان انت عشاني وانا من طبتي وطيبت قلبي صدقت طول الوقت .. وانا في بحور اوهامك عايم . . . قلبي يا عيني مغمض نايم فاكرك شاطىء وبر ومرسى . . .كل ما تكذب بسامح وانسى ماشي بكل عواطفي معاك . . .فاكر قلبك قلب ملاك انت بتزرع جرحي ويأسي . . .وانا بضحك على روحي ونفسي وكان لازم أفوق من وهمي وانا فقت ليه الحب يهون .. تخدعني ليه وتخون .. ليه ما قدرتش ليه ما عرفتش مره وحده تصون ليه الظلم حرام ..ليه كل الاوهام ..افضل اداوي جراحك وارجع وانا كلي ألام طول الوقت.. وانت معايا بكل غرورك . . .لسه مصر تكمل دورك لسه بتلعب دور الخاين . . .بس برافو عليك مش باين كل ما أحس بغدرك يوم . . .ترجع تاني تقول مظلوم أبدء اصدق تاني دموعك. . .وافرح تاني بطعم رجوعك أعمل ايه منا جوه بحور الوهم غرقت طول الوقت .. وقلبك خاين زي ما هوا . . .وانا على وعدي بحب بقوه عمري ما كنت اتصور انك . . .كل الغدر ده يطلع منك انا صدقني بجد حزين . . .مش علي هوى ولا شوق وحنين على ايام عمري اللي اتسرقت. . .على احلام قلبي اللي اتحرقت بندم اني مشيت وياك وبدأت بندم على الانسان ..اللي عشقته وخان.. اللي هويته واللي أديته كل شوق وحنان بندم على المشوار ..اللي انتهى بالنار ..منا وعنيا وقلبي وروحي .. معرفناش نختار .. | |
|