احنا فين يا بني ادمين؟؟؟

شارع زمان كان امان وكل ناسه طيبين
دلوقتى ليه شارع الزمان كله اللى ماشى فى حزين
قولوا على الدنيا خلاص يلا السلامة
انزلوا شارع الحياة بعنيكوا شوفوا علامات يوم القيامة
ام ماشية بتصرخ ابنى فين ياناس رودوا عليا
اتخطف من بين ايديا كل ده فى لمح البصر
واما على صوتها وصل للى فوق بقت قضية
قالوها ابنك راح ضحية لناس ديابه مش بشر
سرقوا لحمه ودمه منه تاجروا فيه ولا راعوا سنه
عقلها سمع الكلام الذهول والرعب جالها
احنا فين احنا فين يابنى ادمين
احنا فقدنا ادميتنا ولا بقينا فى غابة عايشين...


اتنين الرحمة ماتت فيهم وياما شر الدنيا مليهم
شافو طفلة صغيرة فى الشارع ماشية حليت فى عنيهم
خدوا منها اعز ما تملك لا رحموا برائة ولا طفولة
اهلها قلبوا الدنيا عليها لما لقوها لقوها مقتولة
احنا فين احنا فين يابنى ادمين
احنا فقدنا ادميتنا ولا بقينا فى غابة عايشين....


ناس بتموت فى الروح بطلع على باب المستشفى بتردع
بتصرخ وتقول فين الرحمة يقولوا موجودة للى بيدفع
للدرجادى القرش قتلنا موت احساسنا ببعضينا
وبقينا نتاجر فى الامنا استرها يارب والطف بينا
احنا فين احنا فين يابنى ادمين
احنا فقدنا ادميتنا ولا بقينا فى غابة عايشين
قولوا على الدنيا خلاص يلا السلامة
انزلوا شارع الحياة بعنيكوا شوفوا علامات يوم القيامة


علامات يوم القيامه........علامات يوم القيامه....


عاشــــــــــــق المستحيـــــــــــــــــل

مشكورة علي مرورك الجميل رغد

نورتيني ولله


تحياتـــــــــــــــــــــي

مشكورة المحبه للرحمن علي مرورك الجميل لصفحتي المتواضعه


انشاء الله الواحد يزود نشاطه من جديد في المنتدي بأذن الله



اجمل وارق تحياتــــــــــــــــــــي