ﮩﮩ\/ﮩ\/ﮩﮩ\/ﮩﮩــ ايـــة السر فكدة؟؟ حد فيكو عارف السر دة ؟ﮩﮩ\/ﮩ\/ﮩﮩ\/ﮩﮩــ

السلام عليكم ورحمة الله وبركاتة
بسم الله الرحمن الرحيم

اكـــيد فى سـر!!
قبل ما نتكلم عن السر
تعالو ندردش مع بعض شوية
- ممكن حد يعمل حاجة وبإرادتة بس هو مش بيحبها
وكارها وتقيلة على قلبة اوى !!
-اة ممكن كتير مننا بيعمل حاجات كتيرة اوى بس بيبقى مضطر يعملها
بقضى واجب يعنى ..بيحصل صح ؟؟

انتى عايزة توصلى لاية
اصبرو بس
طب شوفو العكس لما نشوف واحد بيعمل حاجة متعبة اوووى
بس مستمع جدااا وهو بيعملها وحاببها لدرجة انة مش عايز يسيبها
وبيتقن جدا فعملها عشان تخرج على احسن حال
مع انك لو مكانة هتقول ايــة دة غـاوى تعب لية كدة ؟؟
مع ان قدامة السهل ما يستخدمة
بس هنقول اكيد فى حاجة مهونة علية اختيارة للتعب دة ومخلياة مستمتع وهو بيشتغل.

معلش طولت عليكو فالمقدمة نرجع للـسر اللى كلنا مشتاق نعرفة
لما نشوف واحد
مش بيدخن..
مش بيكلم بنات..
مش بيسمع اغانى.
صلاتة فالجامع..
بيحفظ القران..
بيذاكر فقهة..
مش بيتفرج ع افلام ومسلسلات..

نبص عليهم كدة ونقول اية دة هو مقفلها كدة لية؟؟
واية اللى مصبرة ؟؟ وازاى بيثبت على اللى هو فية ؟
اكيـــــــــــــــد فى سـر

صحيح احنا فعز الحر
بس تلاقى واحدة ملتزمة بنقابها (اللى عايزين يلغو)
وتلاقيها متمسكة بية اوى
او ملتزمة بحجابها
طب والموضة واللبس والماكياج وتسريحة شعرى..الى اخرة
(ربنا يهدينى وبنات المسلمين للحجاب الشرعى)
هنبص ونقول اية المعقدة دى كلة اسود فاسود وفالحر دة كمان؟؟
طب اللى مصبرها دى ؟؟ واية اللى مخليها متمسكة بية
مع ان فى الاحلى بكتيير

احنا بنفتكر ان الناس دى معقدة او مضطرة لكدة
او لان معندهاش خيارات غير كدة ...

طب ماحنا ممكن نشوف واحد او واحدة مستواهم الاجتماعى كويس
مثقفة ..جميلة ..متعلمة..ومن عيلة.يعنى تقدر تعمل اللى هى عايزاة
او يقدر يعمل اللى هو عايزة .لكن بردة متمسكة بالعقد دى اللى فاكرينها عقد

طب ايـــة السر فكدة ؟؟!!
اية الحكاية؟
الســــــــــــر

ربنا بيقول ((من عمل صالحا من ذكر او انثى وهو مؤمن فلنحينة حياة طيبة ولنجزيهم اجرهم
بإحسن ماكانو يعملون ))
طبعا من غير كلام احنا بنصدق ربنا
وهو بيقول فلنحينة حياة طيبة
يعنى راضى ...
يعنى مستمتع بطاعتة ..
يعنى مرتـــاح..
يعنى اكبر مشكلة بتتعبة حلها بسيط اوى عندة
هيقوم يتوضى ويصلى ركعتين وربنا يفرج همة

اكيد كل واحد لما كان بيعمل ذنب بيعملة عشان يتمتع يحس بسعادة
.
.
اللى صاحب واحدة..
واللى مقضى كل حياتة شات ..
واللى يسهر فملهى ليلى ومقضيها اغانى ورقص .كل دول بيدرو على سعادة
حتى اللى بيشرب سجاير بيقول بشربها عشان بطلع فيها همى وتريحة نفسيا
واللى بيشرب مخدرات بيشربها عشان يبقى مبسوط
ويهرب من الواقع

بس للاسف سعادة المعصية ليها خاصية زى الموبايل بالظبط
لما نبعدة ع الشاحن لما يخلص شاحنة ميشتغلش
يعنى لما تكون بعيد عن ربنا سعادة المعصية ليها وقت معين
وخلاص هتروح
هتحس بعدها انك قرفان ومخنوق وزهقان
مع ان كل حاجة ماشية تمام

تقوم تهرب من احساس الخنقة دة ازاى؟؟
بذنب جديد ..وشوية الشحن يخلص ويجيلك نفس الاكتئاب

بزمتك بكدة بدور ع السعادة !!؟؟

احنا كلنا بندور ع السعادة وعايزين نبقى مبسوطين
وعايزين نرتاح

بس ينفع ندور على قسم الانتاج النباتى جوة كلية الهندسة؟!!!

اكيـــد لاء اوعو حد يكون قال اة !!
لانك اكـــيد بتدور ف المكان الغلط

يبقى لو دورنا ع الراحة والسعادة فكل مكان مش هنلاقيها
لاننا بندور فالمكان الغلط الا مكان واحد
اللى هو العمل الصالح

يبقى اللى شكلة بنشوفو معقد من برة
هو مش معقد ولا حاجة بالعكس مبسوط جدااا لانة دور فالمكان الصح

لكن اللى بيدور ف المكان الغلط ((ومن اعرض عن ذكرى فإن لة معيشة ضنكا ونحشرة يوم القيامة اعمى))

رسولنا قال صلى علية ((من كانت الاخرة همة جعل الله غناة فى قلبة وجمع لة شملة واتتة الدنيا وهى راغمة))

يعنى مرتــاح البال مش شايل هم الدنيا
مفوض امرة لربنا الدنيا مش هتضيع منة بالعكس دة هى الى هتيجى لية..
وهتجرى وراة كمان

ورسولى قال برد ((من كانت الدنيا همة جعل الله فقرة بين عينية وفرق علية شملة ولم يأتية من الدنيا الا
ما قدر لة))

تعبااااااااااااااااان بيجرى فكل مكان زى اللى بيدور
عالابرة جوة كوووم قش
وبردة فالاخر مش هيوصل ليها
الا لو مكتوب لية كدة ...
ومش هياخد غير اللى مكتوب لية

جربت قبل كدة مرارة المعصية..بس جربت حلاوة الطاعة
بينك وبين ربنا وبسسس
جربها وقولى ع النتيجة !!

أسمع ..
فكر..
اقرأ..
افهم..
جــــــرب
بس خليك فـــاكر
لا خير فى ذنب سيؤلمك فالدنيا ويدخلك النار فالاخرة
وان فررررررق كبير اوى زى
بين معيشة ضنكا
وحياة طيبة

اللهم ارزقنا السعادة فى الدنيا والاخرة
اتمنى ينول اعجابكم
فى حفظ الله وأمنة

الله جميل اوي اوي يا سديم
ربنا يبارك فيكي يارب ويكرمك
جزاكي الله كل خير

$ﮩﮩ\/ﮩ\/ﮩﮩ\/ﮩﮩــ ايـــة السر فكدة؟؟ حد فيكو عارف السر دة ؟ﮩﮩ\/ﮩ\/ﮩﮩ\/ﮩﮩــ 1276185189$

اميــــــــــــــــن يارب
ويباركلك ويجازيكى كل خير
بجد مبسووطة انة عجبك
نورتى طبعا يامحبة

جزاك الله كل خير وتسلم ايدك سديم

جزانا واياك كل خير ان شاء الله
شكرا ليك ع المرور والرد

» السر الكامن وراء المادة